WhatsApp-a məxfilik xüsusiyyətləri yenilənib – bundan sonra…

Xeberciniz.biz BBC Azərbaycana istifadən xəbər verir ki, WhatsApp-a məxfilik xüsusiyyətləri yenilənib – bundan sonra istifadəçilər qrup çatlarını səssizcə tərk edə, onlayn statuslarını kimin görə biləcəyinə nəzarət edə və “View Once” (bir dəfə bax) mesajlarının skrinşot olmasını bloklaya biləcəklər, Meta bildirir.

Hazırda kimsə qrup çatını tərk edəndə, hamıya məlumat gedir. Bundan sonra isə yalnız qrup adminləri bundan xəbərdar olacaq.

İstifadəçilər onlayn olub-olmadıqlarının kim tərəfindən görünməsinə də nəzarət edə biləcəklər – onlar bunun yalnız müəyyən şəxslərə görünməsini və ya heç kimə görünməməsini seçə biləcəklər.

Meta-nın baş icraçı direktoru Mark Zuckerberg bildirib ki, bu, WhatsApp mesajlaşmasını “üz-üzə söhbətlər qədər məxfi və təhlükəsiz” saxlamağa kömək edəcək.